شكرا من كل قلبي

السلام عليكم اكتب اليوم وقبل الفجر من مدينه صغيره او قريه اسمها حريملاء وصلت لها يوم الخميس يمكن سمعتوا عنها تبعد عن الرياض ساعه تقريبا. جزء منها زارعي وجزء لا وانا قاعد الحين في المنطقه الزراعيه القديمه اللي فيها نخل وعنب وتين وهذي الاشياء مكان حلو. بس عندي احساس غريب وانا استعمل تكنلوجيا في مكان قديم زي هذا بس مكان حلو. اول ما وصلت للبيت في الرياض نمت نومه طويله يمكن اثناعشر ساعه او حتى اكثر.

شكرا من كل قلبي لكل اللي يردون علي هنا ولو ان مافيه اي شيء يستاهل ردهم بس يردون كرم منهم والله كانت ردودكم خصوصا وانا هناك في امريكا كان لها معنى كبير عندي شكرا لكم كلكم خايف اعدكم بالاسم واغلط وانسى احد ويزعل مني هالاحد وانا ماودي ازعل احد.

الحمدلله عرفت معظم نتايجي وكانت زينه وفيه ماده كنت خايف يكون تقديري فيها قليل بس الحمدلله كان احسن من مماتوقعت.

ادري ان فيه ناس عندهم امتحانات في دول كثيره واتمنى لهم التوفيق من كل قلبي. والسلام عليكم _________________________________________________